漁屋日本料理 (荃新天地2) (已結業)

九點後不是太多選擇。屋企人生日所以打算一家大細一齊去漁屋放題開心下，但早三日book閒日都full哂，最快要九點半先得，咁無辦法啦，照等。基本上兩間分店都好爆，我地七點幾到想食早啲都walk in等唔到，咁好彩一早都有book到，唔緊要啦，點知九點半入去食，已經有好多樣無哂，例如花螺，炸壕呢啲必食既放題食材，之後如果想叫普通大甜蝦要每人再加10蚊先有得食，其實本身決定加，但覺得閒日都可以呢樣又無個樣又無覺得麻麻就無叫，我地成家都食得好小，十點三叫甜品已經無哂紅豆雪糕同四方果。但野食總括而言都唔係少選擇，味道一般，價錢問題二百蚊一個唔太值，環境係唔好，係超級超級逼，唯一安慰係員工效率高同nice. 最後送上名牌雪糕批作結，再番黎幫襯機會不大。