臺坊 (加拿分道) (已結業)

係尖沙嘴工作三年，多數帶飯嘅我好少出去食lunch。臨別秋波，我決定周圍睇下附近有咩好食。經過厚福街同加拿分道交界，見到有間台灣餐廳叫臺坊，半個台灣魂二話不說就坐低試試佢。小店一間，座位得8個左右，做外賣生意居多。店員態度有禮親切👍🏻叫左個鹽酥雞肉燥拌麵同熱冬瓜茶。鹽酥雞很脆，味道夠，無多餘油脂。肉燥就有d失望，味道似蠔油炆肉粒。可能係台灣魂嘅標準比較高，呢間嘅肉燥未至於唔好食嘅。D麵有好多，女仔食量就一定食唔曬。