影片
更多
2017-06-10
72 瀏覽
Crumbs係好多人既回憶，中學時期放學中意去銅鑼灣覓食，當年都係好興fro yo，成日放學都去唧crumbs雖然唔係唧唧但都受好多人歡迎，應該因爲配料同甜度適中吧重開後都未試過新店既質素，今次去開銅鑼灣食飯，順便黎食埋佢！新鋪同舊鋪位置相近，好易揾，同以前唔同係店鋪闊左，有坐位同埋唔少麵包選擇，環境舒服自然，當日平日去，都差唔多坐滿，人流幾多。雪糕分兩種size，細既$48連兩款配料，大既$58連四款，我呢啲大胃王點會淨係食細味道除左原味外，仲有定期轉換既特別口味今次無左想試既抺茶，但最新既香蕉味都吸引我所以揀左兩溝配料方面本身想健康啲揀無花果，可惜賣哂改左叫士多啤梨，唔會過酸同雪糕好相配呀另外揀左最招牌既糯米糍粒粒，雖然有抺茶同原味揀，但原味既煙韌度已經足夠我回味了見前面幾個人都有揀就知啦仲揀左芒果粒粒同埋燕麥碎，所以口感層次好豐富Yogurt雪糕既味度同從前食既係一樣架酸度同甜度都岩岩好，而且份量好足，唧滿成個杯，比起自己夾料然後按磅重比錢更抵食，另外估唔到香蕉味比想像中更濃味！！唔會係好假既香蕉味，推介大家試埋呢隻味！食食下雪糕見麵包選擇都岩我心水，店員話個scone係老細自家
重開後都未試過新店既質素，今次去開銅鑼灣食飯，順便黎食埋佢！新鋪同舊鋪位置相近，好易揾，同以前唔同係店鋪闊左，有坐位同埋唔少麵包選擇，環境舒服自然，當日平日去，都差唔多坐滿，人流幾多。
雪糕分兩種size，細既$48連兩款配料，大既$58連四款，我呢啲大胃王點會淨係食細
味道除左原味外，仲有定期轉換既特別口味
今次無左想試既抺茶，但最新既香蕉味都吸引我所以揀左兩溝
配料方面本身想健康啲揀無花果，可惜賣哂改左叫士多啤梨，唔會過酸同雪糕好相配呀另外揀左最招牌既糯米糍粒粒，雖然有抺茶同原味揀，但原味既煙韌度已經足夠我回味了見前面幾個人都有揀就知啦仲揀左芒果粒粒同埋燕麥碎，所以口感層次好豐富
Yogurt雪糕既味度同從前食既係一樣架酸度同甜度都岩岩好，而且份量好足，唧滿成個杯，比起自己夾料然後按磅重比錢更抵食，另外估唔到香蕉味比想像中更濃味！！唔會係好假既香蕉味，推介大家試埋呢隻味！
食食下雪糕見麵包選擇都岩我心水，店員話個scone係老細自家製，因為有八折（八點後）
我就揀左綠茶味同芝士味，兩者都係由熱焗爐保温住，所以keep到熱食會脆口啲，咬落確係幾鬆化，感覺好似岩岩整出黎咁，唔會過於硬實，牛油味都十分突出，口感唔錯之餘綠茶味都相當突出！！反而芝士味就冇咁明顯，但依然食到淡淡既芝士咸香，呢個scone算係今次既意外收穫邊個話回憶只能回味架下次再試
張貼
