影片
更多
2014-02-06
2346 瀏覽
是日心血來潮想食乳豬，於是下晝先打電話去book定位，好彩都勉強攞到位。去到門口已經見到一堆人排隊等walk-in，如果冇訂枱一定唔駛旨意有位！Anyway，因為一心黎食乳豬，所以就算只係得4個人都叫左半隻乳豬，再係咁易另外叫左個例湯同埋兩碟餸就算。上菜速度極之快，拍得住茶餐廳既速度，唔駛5分鐘已經有野食。半隻乳豬︰作為招牌菜算係交足功課。乳豬皮熱辣辣之餘亦都十分脆，一口咬落去既時候都算係叫做juicy，唔會好似一般大集團製作咁乾身。至於乳豬肉方面，個人黎講覺得有少少偏肥，似「半肥瘦」肉多D，不過整體肉質尚算可以接受，腌得非常入味，作為signature dish果然冇令我失望。青紅蘿白煲唐排︰例湯有分2-4位($88)同埋4-6位($108)既size，如果一般四個人，只係想一人一碗小試的話，我覺得$88已經夠晒。湯料非常足，上枱湯渣一大碟絕對冇欺騙觀眾。味道方面亦都唔錯，感覺到係落足心機同埋時間去煲，飲到淡淡既老火湯味道。唯一要批評既係好似甜左少少，應該落左唔少糖，而且飲完之後有D口渴，想必係落左唔少味精啦！生炒上肉排︰整體感覺只係好一般。鑊氣雖然好足，但係肉排好似厚粉左D，加上切
半隻乳豬︰作為招牌菜算係交足功課。乳豬皮熱辣辣之餘亦都十分脆，一口咬落去既時候都算係叫做juicy，唔會好似一般大集團製作咁乾身。至於乳豬肉方面，個人黎講覺得有少少偏肥，似「半肥瘦」肉多D，不過整體肉質尚算可以接受，腌得非常入味，作為signature dish果然冇令我失望。
青紅蘿白煲唐排︰例湯有分2-4位($88)同埋4-6位($108)既size，如果一般四個人，只係想一人一碗小試的話，我覺得$88已經夠晒。湯料非常足，上枱湯渣一大碟絕對冇欺騙觀眾。味道方面亦都唔錯，感覺到係落足心機同埋時間去煲，飲到淡淡既老火湯味道。唯一要批評既係好似甜左少少，應該落左唔少糖，而且飲完之後有D口渴，想必係落左唔少味精啦！
生炒上肉排︰整體感覺只係好一般。鑊氣雖然好足，但係肉排好似厚粉左D，加上切得太細粒，食落口既感覺唔得爽口之餘亦因為size既關係到喉唔到肺咁。而個汁落既糖既份量好似重手左少少，太過甜反而令到肉本身既質感食唔出，呢到亦都要扣少少分。
啫啫生菜煲︰上菜時係連錫紙既煲一齊上，重見到熱辣辣既鑊氣，香氣四溢，正！當撈埋煲底既蝦醬時候果種味道真係非常正！唯一要批評既係如果可以轉做其他菜去炒就更加好喇！事關生菜好容易出水，食到一半已經見到煲底有pat水，雖然只係食材既問題，但都無可避免會影響口感同埋賣相。
Overall整體感覺OK，可以考慮再次黎幫襯，但除左乳豬之外其他餸菜又唔係坊間講到咁「非試不可」，同埋都同意其他人指出整體食物質素及服務水平都不及以前水準，值得留意！
張貼
