S2 Kitchen (已搬遷) 新店位置

之前同媽咪去食過一間日式鐵板燒，佢地啲海膽超新鮮，朋友見到我啲相即刻話要去試。今晚咁啱我要去中環做野， 於是就約佢去中環間分店食飯。今晚主菜係傾發展項目，副菜先係日式晚餐， 所以點菜呢啲咁簡單嘅野我就交俾朋友負責😝。點知佢仲懶， 佢揭開餐牌，就點左哂人地六款人氣推介🙄，真係吖！十層海膽杯清酒鮑魚雞翼S2特色海膽火焰卷雲海板上飄楊枝甘露沙律樂師傅海膽雪糕海膽杯係招牌菜，如果你只想試一道海膽茶式， 咁就試呢個海膽杯就夠， 一杯有十個層次，除左海鮮之外，仲有taro, 蟹肉等唔同口感嘅食杯， 慢慢嘆一杯， 都已半飽，所以我地其實都幾大食！平時釀雞翼就食得多， 但今次用原隻飽肉釀入去，再用清酒煮過，帶酒香之餘又解油膩，好味呀。除左頭六位推介外，我話要食蠔同芝士年糕，所以追加左海膽燒岩蠔同芝士年糕。芝士年糕，雖然有啲飽， 但呢個真係要回， 年糕軟糯但唔厚，咬落去啲熱辣辣芝士bi出嚟😍。海膽焗岩蠔，口感非常豐富的，不過一隻就唔多夠喉囉😁。三文魚夾餅寿司同松葉蟹肉燒帆立貝係店員推介。個三文魚夾餅寿司好好味， 因為夾餅好香脆帶點鹹香，配清爽嘅沙律三文魚寿司啱哂。