CHIC Italian Cuisine and Oyster Bar (已結業)

今日朋友仔又帶左我去食晩餐，我地好耐冇見，見到佢唔太開心，就帶佢好食西開心番啦。佢最鐘意食甜品，食完甜品當然要食正餐，Chic by The Oyster House 就好適合邊吹水邊享受晩餐啦。Porcini Mushroom Soup$78天氣又凍番少少，我就選擇左一人一碗湯。打到成蓉既蘑菇，有好香既蘑菇味呀，仲有粒粒既口感。Chic's Onion Soup $88我就叫左個洋蔥湯，成個湯好甜好甜，仲有啲鑊氣既感覺，可惜就油左少少，如果兩個湯都熱啲就好啦。Homemade Italian Roast Pork $298主菜我就選擇左意式乳豬，其實除左中國人鐘意食乳豬，意大利人都會食嫁。乳豬有隻豬脾，外皮燒紅好脆好脆，但就冇乜味，豬肉就好夠味，肉量唔太多，仲有薯仔同沙律配菜。Chicken Lollipop $48我依個食肉獸覺得未食夠，就叫多幾件雞啦。棒棒雞原來水牛成雞翼，醬汁都幾辣，好刺激呀。Mexican Fried Cheese $88仲叫左四件炸芝士，芝士炸得好脆好厚，入面有驤入左唔少餡料，唔錯嫁。