鼎豐雞煲泰國菜 (已結業)

天氣漸涼，好想食雞煲🐔得知太子有一間新開雞煲店同時都做埋泰國菜🇹🇭可以一次過滿足你兩個願望。餐廳🍴環境光猛明亮，設有超大卡位雅座，坐得舒適，有另外設有獨立房可以比一大班朋友包房聚會。鼎豐招牌雞煲（HKD 188): 半隻雞件份量，呈上雞煲後，店員會係客人面前番炒雞煲幾下，並加入大量新鮮芫荽，清熱解毒，食落無咁熱氣。可自選雞煲辣度，我地簡左BB 辣都夠曬辣，每件雞件都均勻地蘸上雞煲醬，用上大量洋蔥🧅、薑、辣椒乾、八角爆炒雞件入味，吾算太咸，雞件份量多，雞肉咬落嫩滑，一邊滾住一邊食好寫意。四色餃拼盤🥟（HKD 98): 韭菜餃：整粒包滿新鮮韭菜同彈牙豬肉碎。麻辣餃：夠曬麻油香，辣得過癮。芫荽餃：芫荽控必食，清熱解毒首選。雲耳水餃：雲耳好爽口、仲有大大粒爽彈鮮蝦包裹著。泰式柚子蝦沙律🥗（HKD98): 酸辣成為鹹香柚子沙律作為開胃菜不錯，香味來源至爆香的蒜蓉，乾蔥蓉和乾辣椒🌶️酸甜來源至青檸汁和魚露，拌入酸甜柚子肉，鹹香櫻花蝦蝦，花生，蔥粒和芫荽，整體酸酸甜甜，開胃得很。泰式濕炒河粉配海鮮（HKD 98):爽彈新鮮魷魚鬚，清甜青口、晶瑩剔透大蝦🍤配上用上馬拉盞炒香的濕河，好惹味，而且夠晒鑊氣，