澳門台山水佬榮火鍋專家 (已結業)

之前見到朋友食水佬榮post啲相都好大份，平時同男朋友二個人一定食唔晒呢個海鮮盛宴，今次終於約到4條邊爐友陪我食。極力推介水佬榮辣味湯底啊!!!!!正到無朋友，唔係好食得辣既朋友都唔洗驚，有辣度可以簡，我本身都唔係好識食辣，小辣接受到，佢個湯底正到我飲左幾碗啊。除左湯底，佢啲海鮮同樣讚不絕口，因為真係好新鮮，睇住佢係個游水箱到撈出黎，上到鍋加湯，啲鮑魚啊、蟹、蝦全部都好生猛識郁，煮出黎個鍋勁鮮甜再加少少辣辣地，好惹味。佢呢個海鮮盛宴仲包左五款火鍋配菜，揀左響鈴卷啊雪花牛個啲火鍋例牌配菜。響鈴周圍都有無咩特別，但黎到水佬榮一定要叫，因為佢個湯底加海鮮太正，響鈴吸晒啲汁，不得了。個牛肉唔洗多講啦，睇相都知掂啦。