影片
更多
2008-06-17
14 瀏覽
其實我個個星期都會去呢間野食嘅,都係叫吓咖哩雞,咖哩牛腩咁(魚、羊,或乾炒類就少叫,魚真係好"海鮮"吓,次次唔同,羊就有時好似豬肉鬆咁碎,有時就牛腩咁大件...唔穩定,不過乾炒係唔錯,如果你捨得唔要個咖哩汁...).雖然好似好多唔同種類嘅咖哩,但係其實除左黑咖哩係唔同嘅之外,其他都係冇咩分別,都係巴基斯坦咖哩(同大埔"咖哩至尊"一樣,不過大埔呢間係冇咁香,差d).如果唔叫埋d古怪野,其實係幾好嘅(that's why我叫嚟叫去都係果幾樣).見有d人話活道果間"新國際咖哩館"同呢間所謂老鋪嘅是非,"新國際咖哩館"其實已結業,不過我想補充少少資料,人地當日(兩至三年前)點解分家,我唔知,應該都係"樓面"果班頂左老鋪,舊老闆就去左活道開左果間"新國際咖哩館"...個舊廚去左邊呢...依我從細個80年代食呢間野到今日,我信個舊廚最初應該係同舊老闆一齊過左去活道開左果間"新國際咖哩館".點解我咁講呢,因為兩年前咁上下,我去到老鋪(啱啱裝修好...actually係裝修好大半,而家呢個樣係已經細左),食落個味唔同左(少左份"中藥"feel),雞又"鞋",咁百思不得其解之下,有日我經個集成,望到"新
見有d人話活道果間"新國際咖哩館"同呢間所謂老鋪嘅是非,"新國際咖哩館"其實已結業,不過我想補充少少資料,人地當日(兩至三年前)點解分家,我唔知,應該都係"樓面"果班頂左老鋪,舊老闆就去左活道開左果間"新國際咖哩館"...個舊廚去左邊呢...依我從細個80年代食呢間野到今日,我信個舊廚最初應該係同舊老闆一齊過左去活道開左果間"新國際咖哩館".點解我咁講呢,因為兩年前咁上下,我去到老鋪(啱啱裝修好...actually係裝修好大半,而家呢個樣係已經細左),食落個味唔同左(少左份"中藥"feel),雞又"鞋",咁百思不得其解之下,有日我經個集成,望到"新國際咖哩館",仔細打量左一陣,見到舊老闆,先知分左家.食過"新國際咖哩館",就搵得番果種味,雞係滑嘅.不過新店做唔住,到後尾個舊廚就返左老鋪,亦係果刻我先返老鋪幫襯.
其實廿年前國際咖哩館係在而家隔黎鋪位,而家呢個鋪位果陣有另一間叫"世界咖哩館"嘅,不過後尾90年代初就冇左,國際咖哩館就搬左過去隔黎鋪直到現在.如果我無記錯,"世界"係好d果間嚟嘅.
值得一提嘅係,國際咖哩館未裝修前,連陳方安生都會拎任個大煲嚟買咖哩走嘅,安德尊都係常客(堂食),不過而家都冇撞過佢地啦...所以而家真係同以前係有d唔同(水準).
最後想講個樓面西裝褸亞叔真係好趕客,好似總指揮咁,佢要你坐邊就坐邊, 就算你眼前有位, 想安安靜靜咁坐埋一邊, 佢都唔會理你, 叫你坐去另外一邊, 總之, 佢要點, 你就點; 有時好似飲大左咁, 塊面紅到好似酒鬼咁, 好嚇人.問佢野又十問九唔應, 其他做樓面嘅就反而好平實,好好.
張貼