燒烤堂

營業中

休息中

Happy Friday 放工啤一啤🍻梗係要一邊食串燒，一邊碰杯啦！近近地揀咗旺角嘅燒烤堂🍢呢度有好多唔同類型既烤牛串燒食🥩我地點左鹽燒和牛、汁燒橫隔肌、鹽燒牛舌等既串燒，同 唔係好多地方有既牛骨髓食。各式烤牛串各有特色，和牛入口即溶、油香味濃，橫隔肌肉感強、牛味濃，牛舌厚而淋香，牛骨髓creamy，牛串做得出色👍🏻再點左幾款雞串🍗包括明太子雞腿肉、汁燒雞肉軟骨棒，啖啖肉，配搭出色。至於豬肉就點左牛油果豚肉卷，口感特別，外脆內軟。海鮮類🐟🦐🦀點左手釣墨魚鬚、燒活川貝、炸廣島蠔，食得出來貨新鮮，各類海鮮都好鮮甜，醬油方面做得唔錯，麻香做得出色，大量蒜茸香令人流晒口水，炸蠔炸得香脆。仲有幾個好特別嘅高質食材，🍎焦糖青蘋果鵝肝多士，鵝肝幾大件，焦糖青蘋果既甜中和左鵝肝既油感，成個組合好夾。🍙蟹膏燒飯團有大量蟹膏，咸香味俱全，配上焦香既飯加上紫菜，令人食完又想食。🧀芝士年糕外脆內軟，作為燒烤既甜品，都係一個不錯既選擇。