影片
更多
2019-04-20
227 瀏覽
餐廳：唐宮小聚 (尖沙咀)地址：尖沙咀廣東道30號新港中心3樓303號舖落住大雨，都一樣要食野，呢個係一個天性，亦都特顯出我有幾鍾意食。為咗證明其實我真係已經不停去食野，我就一於比大家睇下我食得有幾癲！所以唔好再話我因為唔食野搞到塊面咁瘦🤷🏽♂️👽我真係係咁食架！落大雨嘅關係係尖沙咀嘅新港中心避雨，見到有間唐宮小聚，門口聽到話佢地上市8週年，所以就好奇望下餐牌，見到啲野食又唔係太貴，就同咗班friend去食下好西～肥牛叉燒 一開始以為係燒鴨胸，原來係叉燒😋成世人未食過咁腍身、入口即溶嘅叉燒，真係忍唔住食完一舊又一舊，又一舊，又一舊......黑金流沙 (彩繪生包)係可以用黑金自己畫野上去嘅流沙包😍又有得玩又有得食真係好正，估唔估得出畫咗啲咩呢😏估中無獎😂畫完店員再拎去蒸，係熱辣辣自製嘅流沙包，超級流...我指係流心嘅流😂😂😂搞到咬咗一啖就要係咁吸吸吸埋係咁流出黎嘅流沙LoL脆蝦雲吞另一款食得又睇得嘅芝士鮮蝦炸雲吞🧀外皮薄又脆，芝士仲要係拉絲果隻，仲要唔膩，係唔係望到啲相即刻好想食呢😏芝士蝦真係好好味呀媽咪～～冰鎮咕嚕最估唔到係食一餐飯竟然又有冰❄️又有火🔥，冰鎮咕嚕嘅咕嚕肉外冰內熱，仲要
地址：尖沙咀廣東道30號新港中心3樓303號舖
落住大雨，都一樣要食野，呢個係一個天性，亦都特顯出我有幾鍾意食。為咗證明其實我真係已經不停去食野，我就一於比大家睇下我食得有幾癲！所以唔好再話我因為唔食野搞到塊面咁瘦🤷🏽♂️👽我真係係咁食架！
落大雨嘅關係係尖沙咀嘅新港中心避雨，見到有間唐宮小聚，門口聽到話佢地上市8週年，所以就好奇望下餐牌，見到啲野食又唔係太貴，就同咗班friend去食下好西～
肥牛叉燒 一開始以為係燒鴨胸，原來係叉燒😋成世人未食過咁腍身、入口即溶嘅叉燒，真係忍唔住食完一舊又一舊，又一舊，又一舊......
黑金流沙 (彩繪生包)
係可以用黑金自己畫野上去嘅流沙包😍又有得玩又有得食真係好正，估唔估得出畫咗啲咩呢😏估中無獎😂畫完店員再拎去蒸，係熱辣辣自製嘅流沙包，超級流...我指係流心嘅流😂😂😂搞到咬咗一啖就要係咁吸吸吸埋係咁流出黎嘅流沙LoL
脆蝦雲吞
另一款食得又睇得嘅芝士鮮蝦炸雲吞🧀外皮薄又脆，芝士仲要係拉絲果隻，仲要唔膩，係唔係望到啲相即刻好想食呢😏芝士蝦真係好好味呀媽咪～～
冰鎮咕嚕
最估唔到係食一餐飯竟然又有冰❄️又有火🔥，冰鎮咕嚕嘅咕嚕肉外冰內熱，仲要好脆口，水果亦都係經低溫儲存再拎出黎，夏熱炎炎食呢個就岩哂😋
火焰菠蘿
仲有上到台就被點火，夠哂壯觀🥰一點火果下一定係全部人圍住佢黎拍片😂😂😂呢餐絕對係為打卡而食嘅一餐🤷🏽♂️有好腍嘅牛肉同甜甜菠蘿，芡汁比較濃味，岩哂鍾意重口味嘅你
白玉王鴿
BB鴿幼嫩多汁，脆皮啖啖肉🐦脂肪比例好少，上台嘅時候亦有吸油紙墊底，仲有手套比埋客人，非常細心
蛋黃魚皮
香港熱潮之一嘅蛋黃魚皮又點可以唔叫呢？蛋黃濃濃覆蓋係香脆嘅魚皮上面，每一啖都令我係到諗：如果有埋啤酒🍻就好😂同朋友吹水果陣食真係一流
張貼
