德國熱狗 (已搬遷) 新店位置

呢大半年嚟，齊柏林就食得多喇，估唔到早兩個禮拜出尖沙咀剪頭髮，附近居然有間德國熱狗😮，非常令人懷念嘅名字，當然要幫襯啦。一睇 menu，選擇太多，決定還原基本步，揀有隻👍嘅德國脆皮腸熱狗套餐。首先要讚下店入面嘅汽水櫃，超級強勁，雪到啲汽水凍一凍，一啪入口，絕對透心涼🤪。店員送上食物時，一見到墊喺隻狗底下張通花紙，那些年嘅感覺統統返哂嚟。熱狗一如以往咁實而不華，雖然只有麵包，腸同醬汁，賣相簡單，但德國脆皮孖腸肉味香濃，成隻狗非常好食😋。另外，薯條條條熱辣辣，炸得又香又脆，又夠薯味，份量更遠比想像中多，食極仲有，超級抵食😆。食食下，居然撞到好耐冇見嘅朋友，一路傾一路傾，最後仲傾到一齊搭巴士走😂。今晚食到好西，固然開心；重遇想見嘅人，更為高興🤗。