影片
更多
2014-02-25
716 瀏覽
今日瞓到日正當中先醒, 梳洗完畢就即刻同男友去德福揾食 ^^ 超耐冇嚟過呢度開飯, 就趁機重温一下那些年嘅味道~ 仲記得當年佢哋嘅出品不錯, 而且環境舒適, 係一個不錯嘅聚腳地 ^w^ 我哋大概十二點半左右嚟到, 餐廳仲有若干空枱, 唔使等 ^^ 呢度仲係貫徹以往嘅風格, 照舊有提供免費報紙, 雜誌俾客人閱讀, 正!首先出場嘅係餐飲, 男友個餐跟雜菜湯 & 即磨熱咖啡, 而我個餐就跟南瓜紅蘿蔔湯 ^^ 雜菜湯同熱咖啡嘅味道中規中矩, 但南瓜紅蘿蔔湯就整得好出色~ 湯嘅濃度適中, 而且有好多南瓜同紅蘿蔔蓉, 味道同口感都一流!!男友點咗個火雞煙火腿芝士班里尼包, 個包都算軟熟, 但啲餡料: 火雞, 煙火腿, 芝士... 嘅味道就好淡, 要灑若干份量嘅胡椒粉 & 芝士粉先釣得出啲味...因為全部 pasta 都係扁意粉, 而我又唔想食包... 喺冇乜選擇下, 我點咗個煙火腿鮮蘑菇扁意粉~ 扁意粉嘅賣相一般, 但味道就出奇哋淡... 就算灑咗大量嘅胡椒粉 & 芝士粉, 都釣唔出啲味... 而且啲汁好稀, 好水溜溜... 食咗幾啖, 填飽咗個肚就唔想再食...除咗咖啡 & 餐湯, 呢度嘅嘢食真
我哋大概十二點半左右嚟到, 餐廳仲有若干空枱, 唔使等 ^^ 呢度仲係貫徹以往嘅風格, 照舊有提供免費報紙, 雜誌俾客人閱讀, 正!
首先出場嘅係餐飲, 男友個餐跟雜菜湯 & 即磨熱咖啡, 而我個餐就跟南瓜紅蘿蔔湯 ^^ 雜菜湯同熱咖啡嘅味道中規中矩, 但南瓜紅蘿蔔湯就整得好出色~ 湯嘅濃度適中, 而且有好多南瓜同紅蘿蔔蓉, 味道同口感都一流!!
男友點咗個火雞煙火腿芝士班里尼包, 個包都算軟熟, 但啲餡料: 火雞, 煙火腿, 芝士... 嘅味道就好淡, 要灑若干份量嘅胡椒粉 & 芝士粉先釣得出啲味...
因為全部 pasta 都係扁意粉, 而我又唔想食包... 喺冇乜選擇下, 我點咗個煙火腿鮮蘑菇扁意粉~ 扁意粉嘅賣相一般, 但味道就出奇哋淡... 就算灑咗大量嘅胡椒粉 & 芝士粉, 都釣唔出啲味... 而且啲汁好稀, 好水溜溜... 食咗幾啖, 填飽咗個肚就唔想再食...
除咗咖啡 & 餐湯, 呢度嘅嘢食真係大退步, 令人大失所望… 不禁黯然想問: 那些年的美味呢??但呢度嘅服務同配套都不錯, 除咗有免費報紙, 雜誌之外, 仲有免費 Wifi ^^ 呢度有張免費優惠卡, 內裡包括免費 Wifi 或免費咖啡等嘅詳情, 都係一啲好實用嘅優惠!! 如果鍾意喺餐廳消磨時間或超鍾意飲咖啡嘅朋友, 呢度都可算係一個好地方, 因為地方濶大, 座位舒適, 唔使同人迫~
題外話/補充資料：
男友話嗰張免費優惠卡唔係自動派發, 係要問店員攞先有… 有需要嘅朋友就記住俾錢時多口問一句喇!!
(以上食評乃用戶個人意見 , 並不代表OpenRice之觀點。)
張貼
