富臨皇宮 (已結業)

今日媽咪生日，上水既酒樓都試過哂，唯獨呢間對我地黎講唔就腳有點遠，但其他太難食就決定黎呢間試下。地方比想像中大，六點黎到我地係第一枱客，見到d價錢有好多都幾抵食，快快手簡兩個套餐兩個菜兩個甜品。🥢脆皮燒雞+海星斑set $338呢個set好抵食，條魚已值回票價，海星斑蒸得剛熟，又滑又鮮甜，抵讚。燒雞都唔弱，外皮夠哂脆。🥢薑蔥肉蟹1隻+海皇冬瓜盅set $198冬瓜盅份量對我地5人黎講有點多，每人平均2-3碗，料足夠哂飽。蟹肉細細地，但好鮮甜。🥢黑椒頂級牛仔骨 $88呢度叫小菜無想像中貴，牛仔骨份量多，肉夠淋，薯仔好綿尤其好食。🥢金銀蛋浸莧菜 $68菜煮得過淋，但勝在份量多，味道好。🥄淮山南瓜露 $12.8呢度甜品相當抵食，南瓜露好滑但偏甜。🥄大良雙皮奶 $12.8呢個真心推薦，新鮮蒸好，又平又滑甜度剛好，阿媽大讚。呢度有免費泊車2hrs，而服務相對其他酒樓好好多，有禮貌之餘仲同我媽講生日快樂添。食物方面整體滿意，預期水準之上，但上水酒樓多，呢度位置較偏遠，所以人流相對較少，但論食物質素值得下次再黎食過。