Sixer Burger (已結業)

放假係荃灣行完街想搵野食，見呢間餐廳裝修幾靚，環境幾舒服就入去試下。一坐低店員就黎介紹有咩食，話岩岩轉左新菜單，新增左幾個漢堡，睇落都幾吸引，就叫左個龍蝦牛肉漢堡，同埋烤雞拼薯條。叫漢堡同熱狗可以加錢有齊薯條同飲品，不過我地叫左炸雞薯條就唔轉啦。另外叫左杯啤酒同可樂。等左十分鐘就有野食，漢堡超吸引！ 以為係得幾舊龍蝦肉，點知係成隻上，加埋牛肉漢堡扒，份量好大，可以同朋友一齊食！ 講返個包先，最抵讚係個包好脆，夾埋龍蝦一齊食好滿足。不過如果下次再食，就會分開叫牛肉漢堡同龍蝦，因為兩樣野個味都好鮮，一齊食反而會搶左，所以我地都係分開黎食。炸雞薯條有兩件大雞，炸完仲好多肉汁，雞肉超嫩，外皮好脆，勁邪惡啊！