三公台灣料理 (已結業)

每日番工最期待就係lunch同埋dinner，今日收工就捉埋我身邊人一齊食2人岩漿沙嗲溫體牛肉火鍋🤤一入到去已經比佢哋個佈置吸引咗，門口望入去大大個logo，餐廳周圍都放咗好多bearbrick。佢哋係用木系嘅檯橙，啲位都擺得闊落，又唔會坐得好迫🥰作為牛肉fans，我真係好興奮呀，因為呢度我可以試到唔同嘅牛：牛菲力、封門柳、牛頸脊。除咗有牛肉，仲有份量十足嘅菜（金菇、娃娃菜、生菜）、燕餃、蛋餃、同埋花枝丸同貢丸。另外，我哋點咗個烏冬同埋大光麵。個沙嗲湯真係好濃郁，唔使另外加醬啲牛都入晒味。我最鍾意食佢牛頸脊，真係好腍。燕餃同蛋餃啲皮都好薄，入邊啲餡朔埋啲沙嗲汁，正呀！食咗咁多肉，淥下幾棵菜清清個胃先，個份量都好夠，兩個人食都唔使爭。再煮埋個大光面先，個面沾滿晒沙嗲汁。我有個私人食譜分享：去調味區加少少辣油同埋蒜，再夾埋啲遠上嚟，會令你有當年中學時期食撈麵嘅感覺啊！食咗咁多嘢，有少少口渴，我哋嗌咗茉莉毛尖。聽個名係咪估唔到係咩呢？佢都係茶葉嘅一種，不過比起普通茶嘅味道更加濃，亦都相對澀啲，但係我本身就鍾意濃味茶，所以我覺得幾好飲。如果食食吓覺得唔係好夠食，可以加$33，升級做任食牛肉。呢