Boomshack (已結業)

等咗好耐，終於有機會嚟試！呢度嘅食物賣相都比較邪惡但係又令人難以抗拒 最邪惡嘅就係呢個Chicken Waffle(HK$88)，waffle入面有成塊炸雞同芝士！炸雞嘅外皮幾香脆而入面嘅雞肉仲保留左肉汁且肉質嫩滑 ，如果再多啲芝士就好啦。不過窩夫就有啲太軟，個人鍾意脆嘅口感多啲。佢個樣好似普通薯條咁，但其實佢係Beet Fries(HK$58)炸紅菜頭條。紅菜頭條清甜，即使炸左都唔會好油膩，點埋有唐辛子嘅蛋黃醬，滋味到係咁食 。係burger同taco之間struggle咗好耐，最尾揀咗Kung Fu Fish Taco (HK$88)。本身對佢唔係特別大期望，但結果佢喺我係成餐入面最中意嘅，有啲驚喜 。炸咗嘅魚柳依然嫩滑，好鍾意佢酸酸甜甜嘅橙味醬汁加上芒果同埋牛油果，感覺好refreshing 。為咗beet fries同埋試埋burger，會搵時間再嚟食!