茶屋町 (長沙灣道) (已結業)

上星期六朋友推薦食，當時去到發現係一間簡單城市小店嘅格局，睇餐牌發現都有好多種日本丼飯，揀咗個必食之選嘅芝士唐揚雞丼飯同一杯雪糕牛奶抹茶。整體嘅餐廳環境係舒服唔算太侷促，當親眼見到個飯，同菜單上個樣幾乎一樣，我好驚訝，竟然唔係圖片只供參考😳，我開始食嘅時候覺得炸雞配芝士，味道上係無敵，好難會唔好食，如果你係好肚餓去食呢個飯，會有一種上天堂嘅感覺。我本身食量唔算太大，所以我食咗一半已經覺得好膩，感覺由天堂一步一步行落去地獄，呢碗飯炸雞，芝士同飯嘅份量係唔夠平衡，我第一次食飯食到有一種感覺係，如果啲飯多啲就好啦😮‍💨，芝士同炸雞嘅份量仲多過啲飯，呢碗飯仲加咗飯素，呢碗丼飯係一定好食，只係分量上可以平衡得好啲😋雪糕牛奶抹茶上，抹茶同牛奶嘅份量係控制得幾好，抹茶嘅甘甜同牛奶嘅奶香配搭得啱啱好。