好日咖啡店 (已搬遷) 新店位置

估唔到一段時間無黎呢條街，竟然咁快轉咗另一間餐廳，身為偽食家，就緊係要試下新野啦~~其實店面唔大，位置大概可以坐到十五人左右，如果坐滿嘅話都可能有啲狹窄睇下餐牌都有唔少特別嘅野食，不過無食物相，都有少少難想像會係咩樣首先到場嘅係**厚切鴨胸配自家製紅酒士多啤梨醬意大利包**，賣相唔係太特別，用嘅係拖鞋意大利包，再夾住一片片嘅煙鴨胸，口感唔會太過煙韌，再伴上酸酸嘅紅酒士多啤梨醬，味道好開胃，而紅酒都係煮嘅過程中揮發咗，所以無咩紅酒味，如果麵包有烘耐啲就好喇~~跟住嘅係充滿邪惡嘅**好日特製流心芝士炸魚薯條**，睇落平平無奇嘅炸魚，一切開就有芝士流出，記得要襯熱食，如果唔係，芝士就可能凝固咗，做唔到流心嘅效果。濃濃嘅芝士味同魚都幾配合，而且表面仲炸得好脆身，但係食得多就會覺得油膩，唧少少檸檬汁平衡下膩感最後仲試埋**酥炸軟殼蟹芒果莎莎漢堡**，中間嘅軟殼蟹好鬆脆，夾埋酸酸嘅芒果莎莎醬，完全唔會覺得油膩，隨漢堡附上嘅係沙律菜，個人認為都係配薯條至夾，不過我地係上一道菜就已經有薯條喇~~