日月星快餐 (已結業)

喺Food Panda見到呢間小店炸雞髀好吸引，就試下啦。叫左個茶餐，炸雞髀火腿三文治加凍奶茶，雞髀好大隻，賣相都幾油膩，連帶外賣袋都好油，但真係好食，感覺似係生炸，因為咬落去雞皮好脆，雞肉好香好滑，唔會炸得過熟(遇過好多餐廳都係炸到雞皮好燶)，再食埋三文治就夠飽喇，杯凍奶茶唔太甜，茶味香都幾好飲，另外亦都試左鹵水雞髀，雖然雞肉都係好滑，但鹵水汁有啲咸，始終都冇炸髀咁香口。呢間價錢好抵，外賣茶餐有3款選擇只係＄34，凍飲仲要唔加錢，真係好抵。