薔紅

營業中

休息中

要數到另一間灣仔飯堂點少得薔紅！每次嚟親都大排長龍，不過勝在地方大，座位較多，繁忙時間預咗要搭枱，所以排一陣都好快有位！呢度嘅叔叔姨姨都好友善，知道我坐正風口位怕凍會主動問我要唔要調位，見到有個叔叔幫埋個女士推行李，仲同d食客有講有笑咁，好耐未見過咁有人情味嘅餐廳，值得加分！😋 脆皮燒春雞 ~ 呢度最出名嘅 “脆皮燒春雞“ 係必食推介！炸到金黃色嘅雞皮夠薄夠香脆，外脆内軟，咬落去仲係熱辣辣，啖啖肉又夠 juicy 🤤🤤 雖然係好邪惡，但見隔離枱好多女士都叫呢份，仲要係食得晒，可想而知佢嘅魔力有幾犀利！😋 海南雞飯 ~ 肉質嫩滑，薑蓉味道還可，有老火湯同菜，尚算合格 (同時已經被友人嘅燒春雞吸引咗 🤣 )