黑布小巷 (黑布街) (已結業)

之前見過幾次呢間店既團購都擦身而過，今次好難得遇著放假日，屋企樓下有團購團，即刻落單試下。台式芝士肉蛋吐司：好好味，個肉好滑，好濃厚既芝士味，送到過黎整個吐司都仲係熱，抵讚。同埋店家好貼心，送埋對手套俾你，因為個蛋真係流心，所以如果就咁揸住黎食，真係會整污糟隻手，加上而家疫情，戴住手套食，感覺衛生同冇咁麻煩。黑布台式香腸：唔想好油，味道就係台灣腸咁，好懷念，而家去唔到台灣，唯有食住呢d過下癮。桂花雪梨羅漢果茶：呢個茶係無糖份，好清新，食完個吐司飲佢岩哂。