雞翼山 (謝斐道) (已結業)

我相信個個同我一樣，都好鐘意食雞翼！應該都無人唔鐘意😂！雞翼除左去快餐店食之外，最近仲可以當街頭美食添！呢排個個都去試雞翼山，好似幾好食😋咁，於是我琴日都去試一試！先講下價錢先，$38有4隻，$48有6隻，都要成$8-10一隻，其實價錢比連鎖快餐店貴，但要睇埋味道先。雞翼全部都係即叫即製，所以好新鮮，好脆口。味道我就揀左呢款鹹蛋味，入面有好少少香草味同好濃鹹蛋味，配埋新鮮炸好既雞翼係好夾，鹹蛋味加上香脆外皮，真好好食😋！ 而雞翼本身即好多肉汁又厚肉，唔似係平時凍肉舖既雞翼，所以食落真好吸引。我食果幾隻唔會突然D骨斷開，因為對食雞翼嚟講真好無癮😂！有冇人同我一樣，鐘意咬埋D軟骨？D軟骨都ok，無帶住碎骨，所以D雞翼就唔係cheap貨嚟。係就係好好食😋！但我都要講返一句，真好油膩😅。鹹蛋黃固然油膩，而我又見店員係用牛油起鑊，雞翼又脆又多肉汁，唔多唔少都會有點油膩，我食完呢4隻都好似飽哂😅！我覺得呢間係好食😋，但建議叫6隻或以上就比較抵！同埋唔建議一個人掃街食😅，因為一個人食4隻同味道有點滯同膩，建議同朋友share！