Goobne Chicken (東薈城名店倉)

營業中

休息中

剛在機場送完機，其中一位朋友便推介位於東薈城既呢間Goobne Chicken，因為呢間餐廳既食物出名大份，所以我地一行四人就去品嘗一下。大約下午1:30左右去到，完全不用等位。首先點了一份甜辣烤雞+蜜糖蒜香烤雞，共有10件。甜辣烤雞甜而不太辣，不食辣的人都可以試下。蜜糖蒜香烤雞，重蒜味加上蜜糖好有BBQ的感覺，加上兩款醬汁都好濃味，每人兩至三件剛剛好。之後點了一份鐵板芝士海鮮炒飯。望住芝士既顏色和分佈，就知道佢有幾邪惡同好食。之後點了一份牛肉炒粉絲去中和一下邪惡的芝士。味道不過不失，可能係炸雞同炒飯太出色，比較起來就遜色了。最後朋友點了一杯草莓沙冰，而我就叫了藍橙沙冰，藍橙沙冰味道有少少似波子汽水，飲完涼透心。我地一行四人雖然點菜的款式不多，但每款份量真的不少，而且味道都不錯。如果想試多點款式，可能要叫多幾位朋友一齊去敍餐了。