新記冰室 (已結業)

邪惡芝士撈丁！！😋講起芝士撈丁，唔可以唔提新記，話時話都有7-8年無食新記。以前尖沙咀個邊裝修比較簡陋，而家新舖位既新記冰室，燈光好光猛，裝修同風格都一樣係懷舊既感覺，新舖位都好座啲😝下午一點左右到，唔洗等位，叫咗個芝士撈麵餐（雙拼自選餸）芝士雞扒蛋公仔麵/芝士炸魚鴨胸公仔麵 $52芝士汁份量多，多到連啲麵同塊雞都見唔到！芝士唔算非常杰身，好香濃，雞扒大大件，好juicy, 加埋太陽蛋感覺一流！！🤪🤪味道依舊，間唔中食下過癮下都唔錯，又係黃店，都要支持下💛下次再食，應該會叫返佢個招牌豬頸肉撈丁，同埋想試吓佢啲小食，見到隔離枱叫左炸薯條🍟同埋西多士，全部個樣都好掂咁呀！不過今次太飽食唔落😝😝