梨滿園韓國料理 (已結業)

呢間梨滿園係旺角，之前食過一次覺得唔錯，所以想再去食下，價錢都好抵。今次見到有拉絲芝士雞放題，仲可以食韓國壽司同卷蛋，就試呢一個package。佢既芝士雞真係做到拉絲既效果，一上枱有少少鐵板滋滋聲，而且有金黃色既芝士，充入撈勻後食，雞肉都幾嫩滑，相當唔錯。另外，韓式壽司就不過不失，主要係黃蘿白、雞蛋同青瓜配料，如果加多少少麻油會更加香。至於卷蛋就幾新穎，佢入面加左芝士同紫菜，玉子燒食得多，呢種食法係第一次。不過食得多會滯，經理都好貼心比左一小碟醃白蘿白比我地消滯。經理推薦我地每人加30蚊，可以食埋炸雞，佢炸雞味道總共有5種口味。有甜辣味，似糖醋排骨帶少少辣味，加埋炸雞啖啖肉，好過癮。而蜜糖味同薑蔥味有少少相似，都係甜甜地加埋香脆表皮，至於秘製醬油就感覺雞肉滑身d。總括黎講，性價比都高，呢個價錢任食炸雞同芝士雞真係抵食既。