瑞士㗎啡室

營業中

休息中

嘆tea唔一定去酒店既，茶記都可以好滿足。鮮油奶多$22, 凍檸茶加$3多士配鮮油雖然邪惡，但真係絕配，厚厚既牛油，半溶咁浸落塊脆多士度，勁香。茶記既凍檸茶超多冰粒，勁解渴。黑椒牛柳絲炒麵$40,黑白涼粉冰加$6最正係個麵底，個邊超脆，有汁既地方吸曬黑椒味，正。配料有芽菜，紅、青椒同韭黃，配料居然比牛柳好味，牛柳因為無肉味稍遜。炸雞翼配金磚$36,紅豆冰加$6呢度一叫金磚(西多士)，即刻成支糖漿拎俾你，任你落，讚。西多士入面仲有花生醬，好味。炸雞翼脆口，但稍淡味，加d淮鹽係面應該會更正。