人和月雞煲火鍋店 (已結業)

天氣凍，最好就係打邊爐今日試新野，尖沙咀人和月雞煲去到門口，店員已經熱情介紹，先食雞煲，再換煲打邊爐呢度半自助模式，出邊有熟食同邊爐料，飲品都係自助，個人試左佢地自家製既檸茶，好重檸味，唔太甜好好飲，仲有我最愛既芋圓同仙草凍！上雞煲啦終於酥皮芝士雞煲，金黃色大大塊酥皮，好靚。樓面姐姐仲好好服務幫我地撈勻曬拉曬絲，視覺效果滿分無估到西式既芝士同酥皮，同中式既雞煲汁花椒八角係咁夾，啲酥皮痴曬啲雞煲汁同芝士，味覺衝擊一流雞亦都好多，同好滑，一啲都無overcook。極黑和牛套餐B，主角澳洲M4和牛拼盤，作為一個牛魔王，睇肉既紋路就知道唔簡單淥10秒，牛脂入口即化，軟淋肉質，牛味極濃！但我最鍾意係個牛小排，比較厚切，入口淋滑彈牙，有少少咬口，牛味亦都極重。其實仲有好多邊爐料，但食完個雞煲同啲肉已經食唔落，為免浪費食物，無一一嚐試。下次叫多啲人可以試曬呢度啲野 。