Burgerman (埃華街)

營業中

休息中

朋友平時最鍾意食肉，今日就黎到大角咀既Burgerman滿足佢呢隻食肉獸既願望👀呢到有好多款式既漢堡包可以選擇，午餐時段仲有四款包可以跟餐，配埋薯條/田園沙律同飲品。我哋分別揀咗鵝肝和牛漢堡同水牛城雞肉漢堡開心 share食，漢堡包嘅份量對於我地呢兩個女仔黎講真係唔可以睇少，食到勁飽呀。我個人極力推薦鵝肝和牛漢堡，雖然價錢比較高，但勝在食材優質。麵包口感微脆，鵝肝香濃惹味，和牛經烹煮過後仍然保持到大量肉汁，加埋番茄同蔬菜減膩，成個組合都幾出色。水牛城雞肉漢堡口味好特別，入面有大量酸酸辣辣既醬汁，食落好醒胃，雞肉份量都幾足。不過辣度對我黎講都幾高👅漢堡包係即叫即製，到手時仲係熱辣辣，唔錯。