林家園

營業中

休息中

重陽節當日難得放假，又唔需要拜山，睇見個天咁靚，就決定去石澳放鬆下。落車見到呢間新裝修既café，二話不說就入去坐底試下。老闆娘好熱情，一坐底已經來同我地傾計，仲推介我地飲佢既”自家拼配既奶茶”，聽聞係30多年來有好多名人光顧的。可惜的是 … 這次我對咖啡比較有興趣，哈哈。Order了<芝士火腿牛角包>，<西多士配水果>，<泡沫咖啡>和<鮮奶咖啡>。首先講牛角包，包質鬆軟，比出面食到的冇咁油膩。芝士係半溶狀態，溶係火腿上面好吸引，加埋火腿肉夠煙韌，食起上來十分夾。但因為本人平時食得比較淡口，所以感覺有少少鹹。跟住到西多士配水果，西多士有三層，中間夾有兩層花生醬，比出面茶餐廳的更為有層次。但水果略為單調，只有兩片菠蘿，如果可以同時有兩款或三款水果就會更好。飲品方面，泡沫咖啡和鮮奶咖啡的咖啡味很香濃，奶的溫度也適中。至於傳說中的自家奶茶，就留待下次再來品嚐吧。