三清洞摩西 (已結業)

今日0係銅鑼灣覓食，見到新店三清洞摩西上左排行榜，特登黎試下有幾巴閉。七點半黎到，都差不多滿座。我學人地點下芝士炒飯同芝士部隊鍋，其實又真係唔貴，平時係韓國餐廳點一個部隊鍋都要二百蚊起跳。無幾耐，個鍋就已經prepare 好。同d 留言講既一樣，個size好大…因為個價錢，你無expect 到個鍋會咁大。可想而知，平時d 餐廳食水幾深。講反野食，我覺得個芝士炒飯唔錯。炒到好乾身，有飯焦，好香，又係落左好多芝士；紫菜加埋粟米，令到成個飯好有層次。其實部隊鍋好難點樣特別好味，因為都係個個湯底。不過呢個誠意搭夠既係，佢落左好多芝士，多到拉到絲。d 配料其實都幾足料，特別一提年糕幾好味，好有咬口三清洞又真係幾扺食既。