The Old Hangar (已結業)

去到個度人唔算多，唔使等位就可以入座。個度樓底好高，餐廳落地玻璃好開陽，感覺好舒服。我叫左個All Day Breakfast，有2塊waffle，2隻蛋，2塊煙肉，2塊火腿，半個番茄，有d生菜同埋菇，仲有少少茄汁豆添。分量對我黎講絕對足夠，有甘多款式我都好滿足。一開始我對塊Waffle完全無期望，因為即使系食Waffle既地方，我都未必覺得好食，何況呢度！但居然好神奇地佢既Waffle我覺得OK，摸落去熱熱地，切落去外面少少脆，入面半空心少少軟，呢d唔通系外脆內軟？我唔知正宗既Waffle應該系點，但呢一塊我覺得幾岩我口味。除左Waffle，其他野咪“大家樂”質素囉，唔難食，但無乜特別。朋友叫左個羊，原本以為系羊鞍，點知系羊柳…… ！我試左…… 我覺得好難食！！！極度酥！之後再試多一舊煎得比較燶d既，感覺好d無甘酥，但都系唔好食。薯角味道正常囉，唔夠熱表面唔夠脆。叫呢個羊可以加HKD20變Set，就會多左一個麵包，湯同埋飲品。我叫朋友加呢個比我食，哈哈！神奇既事又發生啦，竟然… 個包夠熱夠軟，幾好味wor！個湯系偏少少酸個種羅宋湯，入面帶有少少料，味道都唔錯！最後飲品揀左咖啡，好難飲