Red Rice 米飯主題餐廳 (六合街) (已結業)

因為公司倉係呢頭，時不時要點貨既關係，多左係呢頭岀入。今日時間比較趕，所以趕十二點早早地食個快飯。工廠地區既飯堂，唔好預好好招呼，都係快食快走。set lunch唔多岩食，散叫左個龍脷柳焗飯。因為唔係叫set lunch,可能師傅要特登整，所以都比平時等得耐，大約等左十分鐘上枱。龍脷柳的確好大條，亦夠嫩滑，而底下既焗飯亦粒粒分明。不過條龍脷柳同個飯係冇味，連個白汁都冇味。最後我要加大最七味粉先食得晒個飯，如此一來，我根本係食緊調味料飯！而價錢方面亦同set lunch 個價差唔多。咁樣叫個set 真係抵好多，又唔使點等。