Outback Steakhouse (已結業)

同班小學同學聚舊，揀左outback，貪佢D野食大份，又可以一班人吹水。「芝士薯條」：招牌菜之一，煙肉粒配厚切薯條，實在係一道唔錯既小食！半溶既芝士加上熱騰騰既薯條真係絕配！佢仲比左個sauce我地點,，個sauce應該係酸忌廉，點左仲好味D！"Steak"：叫左medium well，黎到都算對辦，不過塊牛扒唔算好好味，有D難咬；同埋無咩牛味，真係幾失望。"Rib"：個ribs醃得好入味，又夠淋，唔錯！「洋蔥花」：佢炸得好似燶左d，食落去有陣苦味，所以我地食唔哂，亦無咩動力去食埋佢，下次唔會再食喇，因為唔好味！「炸蝦球」： 好香，好脆，食落一d都唔覺得油膩！「海鮮闊條麵」：佢個汁好杰身，都ok多蝦同菇；第一啖食落去，個人覺得無咩味咁，但係慢慢食食吓，d芝士味就出黎，都算唔錯。「鮮茄蟹肉意粉」：成碟意粉賣相混亂，原來份量都唔少。蟹肉大大粒，煮得剛熟，蟹味唔錯；意粉醬汁係帶有番茄味嘅肉汁，入面仲食到唔少番茄粒，酸酸甜甜， 撈埋d煙韌彈牙嘅意粉確實幾好味！雖然有讚有彈，但都算係唔錯既一餐dinner