西貢金雞海南雞

營業中

休息中

呢間海南雞飯係朋友介紹嚟嘅，佢點解介紹嚟呢？因為佢鍾意飲呢度嗰個南瓜湯。 呢度海南雞飯餐跟嘅湯係南瓜湯，唔係一般舖頭嘅豬骨湯，個南瓜湯唔係西式嗰啲好Creamy嘅南瓜湯，而係有湯，仲有少少南瓜可以食吓，幾好味。其實呢間舖頭除咗海南雞之外，仲有其他餸可以叫，好似狀元蹄啊，魚蓉肉餅飯啊，豬頸肉飯！講返啲海南雞呀，啲海南雞係肉幾靚嘅，好滑，皮都唔算肥，份量呢都適中嘅。每碟海南雞都有標準嗰三個醬啦，辣醬，豉油同埋薑蔥，至於個飯就一般般。