金鳳大餐廳 (D2 Place TWO)

營業中

休息中

新年前去完太子金鳳，見到門口寫住D2開左分店，諗住近屋企，就去試下，但最後都係覺得寧願行遠少少去太子金鳳。兩個大人一個小朋友，叫左2個扒再另加白飯，承惠$233 (相同既餐，係太子金鳳食$200有找)。小朋友每次去太子金鳳都會食哂2個餐包同飲哂成碗白湯，但今次食左2啖之後話個飽好硬，碗湯唔好飲，爸爸話個包唔熱同有啲硬，似係就咁用微波爐翻叮，唔似太子金鳳咁用焗爐翻熱，碗白湯只係火腿湯，同太子差好遠。牛扒都幾淋，但無乜牛味。可能因為商場，唔可以大煙，冷氣開得勁同個鐵板唔係好熱，牛扒好快就凍冰冰。