添好運點心專門店

營業中

休息中

今日放假，忽然好想食佢個叉燒包，於是就專登揸車由荃灣入去深水埗啦，到左之後大約等左10張枱左右就有位啦！坐低左就立即劃點心啦，都係例牌點果幾樣野啦，尋找返果種味道。首先黎係酥皮焗叉燒包，味道依舊無變，脆脆嘅外皮咬落去完全感覺到係新鮮焗出黎，裡面多汁嘅叉燒，完全係一個完美配搭，好味。跟住係古法糯米雞，今次我地無食蒸飯而改食糯米雞，主要係想試下其他野，糯米雞裡面都好足料，有雞，豬肉，臘腸等，都幾好味。香煎蘿蔔糕，你會食到一條條嘅蘿蔔絲，有d蝦米，師傅都煎到好香，還可以。跟住最後就係鳳爪同埋蝦餃啦，鳳爪嘅份量就較少，但係都幾入味。而蝦餃都無咩特別，足料啦。會再黎幫襯，食佢個叉燒包。