錦麗 (形點 II) (裝修中)

今日同朋友趕時間想食個快飯，湯粉係不錯嘅選擇。餐廳採用自助落單，方便侍應生亦都方便到客人，自助落單程式有齊特別要求例如走蔥走洋蔥走芽菜之類，我依啲麻煩客人就可以自己慢慢揀😂由於綜合粉有齊生牛肉、熟牛肉同埋牛丸，而且同牛丸粉只係差兩蚊！所以我揀咗試齊三樣嘢～唔知係咪因為熟牛肉係牛腩嘅關係，個湯底相對油好多😢 好快已經有好濟嘅感覺 而且兩款牛肉都比較鞋，好普通嘅水準。下次都係唔好貪心，叫返牛丸算啦。另外餐廳嘅配料係喺一個小櫃嗰度拎出嚟，職員應該一早已經分好左芽菜同香料，但係芽菜放得太耐已經有啡色，見到都唔太想放落個湯度，最後我都選擇唔食芽菜好過😤收費方面都幾貴，依個要$72，而且係冇跟餐冇飲品嘅。