咖喱物語 (已結業)

星期一同治療師食晏，佢話之前行過見到呢間鋪已經好想試，可惜一直苦無機會，咁岩我可以陪佢食晏，所以就二話不說就向翡翠明珠出發。一點鐘左右入座，都唔洗等位，依家我地仲有圓形卡位坐，感覺都ok，打開menu見到d set lunch由40幾蚊起，有個湯同飲品，銅鑼灣咁0既價錢都還可以啦。治療師點了一個咖喱炸雞蛋包飯(相中)，我點了一個咖喱魚柳石頭飯(掛住食，忘了拍照)。咖喱炸雞蛋包飯，味道都可以吧！炸雞未至於m記的麥樂雞，炸粉還不算太厚，尚可以食到一舊完整的雞肉。咖喱魚柳石頭飯，我比較欣賞的是個咖哩汁可以分開落，如果怕太辣的朋友，就岩晒喇！同埋唔洗俾d汁浸住d飯，不錯！