影片
更多
2009-07-29
3 瀏覽
今日有個同事生日, 所以齊齊請佢食餐飯.有人建議去公司附近間餐廳, 反正試下新嘢喎.咁我咪抱住好奇的心態上網睇下有冇食評law.嘩! 講到咁差既? 但係已經訂咗位, 唔好意思同同事講. 心諗: 死就死la,反正衰極都係一餐姐.到咗1:00去到, 嘩! 咁多人既? 仲以為係拍烏蠅餐廳, 嘻嘻, 好彩冇同同事講, 一陣又話我見識少. 我地叫咗: 1.) 海南雞飯 2.) 德國咸豬手 3.) 魚生飯 4.) 安格斯西冷扒 5.) 壽司反卷 6.) 3個同事食buffet 本來我都想食buffet架, 但係見到只係得墨魚丸, 炸蝦卷, 炒飯意粉, 壽司同生果甜品, 我都係食日本野穩陣 (只要新鮮,差極有限).食食下見到我個同事出去攞雞翼同炸三文魚頭返來, 下! 點解有雞翼既? 唔係得墨魚丸咋咩? 唔理喇! 我靜靜雞偷咗來食 , 在冇人發現之下食得特別滋味. 味道唔錯播. 見到餐廳裡面有啲係圓枱, 用來食飯都應該幾辛苦, 同男朋友坐就話好姐 (同同事就.......) 好彩唔洗我地坐 . 食完之後大家個樣都幾滿意, 最後仲有個姐姐走來問我地食唔食雪糕忝, 唔洗錢就緊係食啦. 最唔好既都係我們
有人建議去公司附近間餐廳, 反正試下新嘢喎.
咁我咪抱住好奇的心態上網睇下有冇食評law.
嘩! 講到咁差既? 但係已經訂咗位, 唔好意思同同事講. 心諗: 死就死la,反正衰極都係一餐姐.
到咗1:00去到, 嘩! 咁多人既? 仲以為係拍烏蠅餐廳, 嘻嘻, 好彩冇同同事講, 一陣又話我見識少.
我地叫咗: 1.) 海南雞飯 2.) 德國咸豬手 3.) 魚生飯 4.) 安格斯西冷扒 5.) 壽司反卷 6.) 3個同事食buffet
本來我都想食buffet架, 但係見到只係得墨魚丸, 炸蝦卷, 炒飯意粉, 壽司同生果甜品, 我都係食日本野穩陣 (只要新鮮,差極有限).
食食下見到我個同事出去攞雞翼同炸三文魚頭返來, 下! 點解有雞翼既? 唔係得墨魚丸咋咩? 唔理喇! 我靜靜雞偷咗來食[x3] ,
在冇人發現之下食得特別滋味. 味道唔錯播.
見到餐廳裡面有啲係圓枱, 用來食飯都應該幾辛苦, 同男朋友坐就話好姐 (同同事就.......) 好彩唔洗我地坐 [幸運] .
食完之後大家個樣都幾滿意, 最後仲有個姐姐走來問我地食唔食雪糕忝, 唔洗錢就緊係食啦. [開心哂]
最唔好既都係我們走同來的時候, 部電梯要等好鬼好鬼耐. 趕時間的話建議你行樓梯穩陣. [順便當減肥]
總括來講都唔係其他人講到咁差姐, 值得一去.
張貼