扒王之王 (已結業)

呢日同幾個同學黎呢度食飯，扒王都唔知幾耐無食過啦。呢日既下午都唔算多人既，我地叫左個午餐食，都係四十幾蚊到啦。紅湯始終都無乜期望，所以都無失望。都係好淡好淡既蕃茄味，同埋唔知有幾多既菜。個餐包就唔夠熱，牛油都溶唔哂。黑椒牛扒比我預期既大塊同幾好食既。牛扒算幾有肉味，又唔會煎得太乾。基本上都合格既。個黑椒汁就唔會太鹹，但又唔算特別既。凍奶茶平時就奶多過茶既，呢次就茶多過奶。我忍唔住叫佢俾勺花奶我，加左奶就好小小啦。野食都唔差既，但談不上好食。而服務都一般啦，唔知點解我坐既位好凍，但又唔係風口位黎架。