Monster Sushi (已結業)

今日終於有機會試到monster sushi~ 午餐時間唔洗等位, 加上今日係元旦! 我諗d 人都未訓醒喇~ XDD佢安排我地坐迴轉位, 都ok 丫~ 好彩唔係對正d 師傅~ 我同表姐2個都好肚餓架!! 都叫左唔少野食~ 好可惜掛住傾計, 一張相都冇影到 /_\o係迴轉帶拎左三文魚壽司, 好新鮮呀 我地仲order 左:::芒果花之戀, 軟骨雞肉棒玉子燒, 芒果三文魚腐皮壽司, 帆立貝壽司, 酸辣三文魚軍艦...好似仲有一樣架... 但我唔記得左個名lu~~最好味係佢個帆立貝壽司!!! 超級新鮮~ 又大粒!! 雖然佢一客只係得一件, 但同食左2件都冇乜分別! 因為係要分開2次食架~ 另外鐘意佢個軟骨雞肉棒玉子燒! 好好味~ 係有燒過架! 都唔係d 人話冇燒過既~ 酸辣三文魚軍艦就o岩o岩好~ 因為我唔太食得辣, 但呢個酸辣度剛剛好!!其實今餐食既全部都好好食, 非常之滿意~而且服務都唔差~因為我地第一次去, 唔知order 食物係要tick 張紙既~我地仲叫左個waiter 黎落單, 佢仲好有心機咁幫我地tick 返!! 埋單唔洗100蚊一個人~ 仲送左100蚊coupon!9:30