浦和日本料理 (已結業)

有朋友生日,都唔知去邊度食好,就問下其他friend,有乜好介紹啦,諗咗幾間之後,就決定去哩間食放題喇!原來早幾日訂枱,系有鮑魚送嫁,我地仲諗,每人大約二百蚊食放題之餘仲有鮑魚送,我地6個人仲諗,送嘅未必好嘢!但去到之後,見到事實同味道,真令我地本住送嘅冇好嘢心態,即刻打消,雖然係街市果d九孔鮑,但味道好,特別係個鮑魚汁,真系好好味呀!其他食物我地一致好評,(可惜果日掛住食,冇影相!)飲品又任飲喎,其他食放題未必有任飲,食食下我地仲叫多兩個friends嚟,但佢地兩個就冇鮑魚送喇,咁我地就問番可唔可以送另外d嘢比我兩個friends啦,經理話要問問大廚喎,底讚嘅大廚二話不說,就應承送焗蠔,我地梗系開心啦,仲覺得佢地好重視我地d食客,如果唔係點留住d客呀!但我真系唔系好明,點解其他食評講到哩間嘢咁差,以我地8個人,都會再去食囉!