台食館 (福榮街)

營業中

休息中

今日難得放假出左深水埗打左個白鴿轉，見到依間都幾新，下午茶又唔算貴所以入左去試。傢居睇落去都幾新～叫左個鹵肉伴面（另加$2）、小食原來可以選三樣最後叫左鹽酥雞、越式蝦卷、爆漿豆腐飲品叫左檸檬紅玉（凍飲加$3）。第一次黎所以唔知係咩樣，黎到先第一眼都幾精緻先講左個三個小食先，豆腐個味道都幾啱我口味但唔覺爆咩醬而蝦卷就有D失望但唔係難食只係個味有D似獅子狗咁je；最滿意係個鹽酥雞～下次想試個豬軟骨。主食ge味道都好滿足但份量唔係好夠我食加辣油更野味（建議撈匀後先食一半加辣食另一半）；個紅茶就無咩特別，下次叫佢走檸檬應該更好飲。最後埋單$43～我個人覺得似個價係合理ge