阿里朗韓國餐廳 (已結業)

而家興食韓國菜，老婆大人都愛食韓國菜。今次去尖沙咀，佢又嘈話要食，咁咪求其搵間就腳既。阿里朗，一黎兩個人，就有七小碟，款式多而且味道都唔錯！好啦！呢個就好似蒜泥白肉既韓國版咁。用上半肥半瘦的豬肉，包上辣辣地既配菜，又幾得意！呢個韓式炒粉絲，用上都幾多的菜絲。同中式炒粉絲唔同既係，韓式炒粉絲會仲有咬口，彈牙的多啲。而且醬汁剛剛好，又無咁油！好啦，最大路的韓式石鍋飯，用上足料傳統個幾款既配料。睇個份量，都算幾多！小心碗邊，真係好熱。溝均勻後食就最好！愛辣既可以要求要多少少辣汁！仲有呢個韓式辣年糕。真係幾辣下架，而且飲起上黎，都辣得幾有層次。啲年糕煙煙軔軔好有咬口！不過一餐落黎都唔平。