Homy Cafe (已結業)

呢間其實已經幫襯左好多次，都算係半個熟客仔，喺上水來講係幾好食嘅西餐。但係前嗰排去去同朋友食飯，真係成肚氣，唔食都飽。當時因為餐廳已經滿晒位，諗住入去攞飛，結果佢哋舖頭一位啡色頭髮嘅男同事，態度極差，非常大聲咁樣同我哋講「已經冇晒位㗎啦，你哋出去填咗安心出行先啦」因為其實有少少趕時間，諗住問吓佢前面大概有幾多張枱，結果佢好唔耐煩咁樣同我哋講「其實我答唔到你要等幾耐架」重點係我同我朋友一直都好好態度咁樣問佢，我想嚟食個飯姐，唔想做生意咪出聲囉！過咗一陣入到去諗住嗌嘢食，結果又係嗰位男同事，嗌完佢之後又黑晒面咁樣叫我等一陣，好似根本唔想幫我落單咁。最後唯有叫另一位同事幫我哋落單。而且呢個情況已經唔係第一次，再之前來食飯嘅時候，已經見過佢對其他客人嘅態度都係咁。我唔知係呢個男同事長期谷M燥底定點，自問由頭到尾態度都好好，唔明點解上述呢位同事態度咁有問題，舖頭完全冇人處理下。總之，真係已經唔會再幫襯，真係唔想次次去到都要受氣。咁趕客嘅唔想做生意嘅咁就唔好開門啦！