興記菜館

營業中

休息中

聞說廟街煲仔飯非常好食，咁岩果日行去果度，見到興記幾多人下，就幫襯。1) 蠔餅：在屋企都食過蠔餅無數次，不過同佢地既煮法唔同，佢地係落好多蛋炸，食落同自家煮有不同的風味，不過超多油，但都好味。2)滑雞煲仔飯：雞幾滑，不過d飯好大"濃"味，底果d飯焦黑到唔好食，敗筆。3)牛肉加蛋煲仔飯：呢個d飯雖然ok，但我覺得滑雞煲仔飯香d，因為牛肉無乜味，而且煮作煲仔飯好似唔襯。4)腐乳通菜：食咁多肉無菜好似唔多健康，通菜一直都鍾意食，基本上無乜問題。總結：飯的量太少，不過$20係咁，如果唔係太"濃"都ok。