味吉拉麵館 (已結業)

旺角對我黎講實在無咩好野食，而且周圍環境都比較嘈，所以次次係旺角食飯通常都黎味吉，價格相宜，環境幾舒服。試過呢到既豬骨湯同極上醬油湯底既拉麵，之後每次黎親就只會點本格美國牛肉極上醬油拉麵，湯底微甜，可惜係每次牛肉都稍為硬了一點，溏心點每次都keep到水準，唔會太熟或太生。另外呢到既牛脷串燒都唔錯，燒到外脆內軟咁，好味。不過最唔滿意係每次叫左野飲都好耐先黎，野食黎齊晒，都就黎食完先至黎野飲。