樓下冰室 (已結業)

都市傳說，話呢一間餐廳啲嘢食好好食，所以立心嚟試一試 ，點知就係超失望，therefore 而家嚟講下。招牌蕃茄午餐肉湯麵 配牛乳炒蛋、牛油厚多士，跟餐飲檸檬茶。招牌蕃茄午餐肉湯麵，蕃茄湯底的確係夠濃，酸甜唔係好平均，感覺係好酸，但係有缺少咗啲香甜味 ; 午餐肉都有煎香，但係就乾咗啲。牛油厚多士，烘得唔夠透徹，又唔夠牛油香，又唔係好夠熱。牛乳炒蛋，炒得夠嫩滑，但係調味不足又冇乜蛋香。檸檬茶，茶仔底香濃，但係檸檬苦澀，味道唔平衡，又要扣分。今次嘅用餐經驗話我知，傳聞嘅嘢，信三成就好，冇期望就唔會有失望。