陪著你走甜品 (已結業)

印象中呢間甜品店好似係喺《陪着你走》呢首oldie前排突然火紅嗰時開嘅，今日終於有機會試試。招牌甜品係仙草八寶，材料好豐富，有紅豆、薏米、珍珠、西米、蓮子、芋圓，咁當然仲有仙草。咁多料口感梗豐富，𡁻到牙都軟但可惜無想像中咁香甜，可能因為始終係凍食。另外亦叫咗個夠薑番薯加芋圓，呢個熱辣辣上，湯都幾夠薑，番薯大大舊，加埋芋圓，好大堆頭嘅感覺。但唔知點解食食吓覺得番薯味有點怪味⋯⋯發現呢度（竟然）都幾多人嚟買外賣架喎？！咁呀⋯⋯都係喺盧氣廷出場之前撒退喇！